Beinoh weeren se verdorscht !

Im Friehsummer iss jo immer die bescht Säsong vunn de große Gaademärkt. Alles wass die Welt an Flora zu biede hott, werrd de Kundschaft bräsendiert (ausgenumme Darmflora). Do werrd nit gegläggert, do werrd geglotzt. Der Duft in denne großfläschische Ausschdellungshalle nimmt ähm fascht die Lufd weg. Sooo e Vielfalt an Blanzesorrde unn Bliede unn Düft, dess iss jo fascht nit auszuhalde. Do kännt mer grad alles oilaade. Besonders die bliehende Blumme greischen all: "Nämm misch mit!!!" Wer kann do schunn widderschdehe. Kä Wunner, dass die Oikaafswäggelscher meischdens voll belade sinn. Do werrd oikaaft uff Deiwel kumm raus, meischt mä wie in de Kofferraum basst. Beim Verschdaue geht´s dann awwer als nit ganz so sanft zu unn die zarte Blummeschdeggelscher erleiden ab unn zu enn Arm- odder Bääbruch. Dann liggen in denne Wägge am Schluss noch abgebrochene Schdängelscherr mit Bliede unn verdärren glääglisch in de Sunn. Känner guggt nooch denne, weil se so armseelisch verdriggelt rumbambeln unn merr denkt, dasse beschdimmt schunn de Leffel weggschmisse hedden.
Unn weil se uns als so arg lääd duun, nämmer alsmool e paar mit Hääm in unser "Intensivschdazion ferr notleidendes Griezeig". Unne frisch abgschnidde - in e Wääsel mit frischem Wasser gschdeggt ---- unn korz dennoo fangen se a zu schnaufe unn rabbeln sisch langsam widder uff. Am negschde Moje isses e wahrie Frääd, die zu bedrachde. So e glää Schdraisel aus doodgeweihde Blimmelscher kann ähm mindeschdens genau so die Schimmung heewe wie e Edelroos mit goldne Dorne. Die Naduur macht jo arg viel, awwer manschmool kammer ah e bissel noochhelfe. Do fiehlt merr sisch, wie wammer die Welt gerett hett - wennigschdens e ganz, ganz, ganz gläänes Schdiggelsche.

Autor:

Walter Rupp aus Frankenthal

following

Sie möchten diesem Profil folgen?

Verpassen Sie nicht die neuesten Inhalte von diesem Profil: Melden Sie sich an, um neuen Inhalten von Profilen und Orten in Ihrem persönlichen Feed zu folgen.

Eine/r folgt diesem Profil

Kommentare

online discussion

Sie möchten kommentieren?

Sie möchten zur Diskussion beitragen? Melden Sie sich an, um Kommentare zu verfassen.

Wirtschaft & HandelAnzeige

Mit der eigenen Gründungsidee zum Erfolg – Online-Reihe für Gründerinnen ab Juli 2022

bic. Sich beruflich neu zu erfinden und mit den eigenen Ideen Geld zu verdienen, ist vor allem in der jetzigen Zeit eine große Chance. Damit die Chance auch zu einem großen Erfolg wird, unterstützt das Business + Innovation Center Kaiserslautern (bic) auch 2022 wieder gründungsinteressierte Frauen. Auch in diesem Jahr knüpft das bic, gefördert vom Wirtschaftsministerium Rheinland-Pfalz, an die erfolgreiche Tradition an, Frauen der Region bei den ersten Schritten in die Selbstständigkeit zu...

Online-Prospekte aus Frankenthal und Umgebung



add_content

Sie möchten selbst beitragen?

Melden Sie sich jetzt kostenlos an, um selbst mit eigenen Inhalten beizutragen.