Herbscht 2018
E Heischregg im Vorgaade!

2Bilder

"Hei ehr Leit, isch bin e Schregg, sozusage e Hei-schregg!
Ehr kännt ah gern Grashubser odder grienes Heipferdsche zu merr sage, do bin isch ah nit bees drum.
Eigendlisch hääß isch jo "Orthoptera", unn weil isch so lange Fiehler hab, kummt noch "Ensifera" dezu, awwer dess kann sisch jo känn Mensch unn kä Schregg merke. Uff moi lange Fiehler bin isch jo ganz besonders schdolz. Wenn´s indressiert: jeder vunn denne dinne lange Dinger uff moim Kopp hott iwwer 500 äänzelne Dääle - do sinn eier moderne elegdronische Robodder direkt brimidiev degääge.
Dess Wort Heischregg kummt ausem althochdeitsche "hewiscrecko" unn bedeit soviel wie "uffschbringe". Ja, unn genau dess kann isch. Ausem Schdand enn halwe Meeder iss garnix ferr misch.
Isch denk jo, dass isch eigendlisch enn Pälzer bin. Wass, dess glaawen Se nit ??? Do missen Se misch mool korz am Hinnerdääl kitzle - unn schunn mach ich "alla hopp"!!!
Unser "schregglische" Heischregg-Männer känn mit ehre Fliggel unn ehre digge Schrill-Ader e ganz laudes zirpendes Geräusch broduziere. Dess nervt nit bloß die Mensche - isch kann´s als ah nimmi heere. Awwer dess gheert halt zum Ritual unn muss halt soi, dass widder e Generazion vunn junge glääne Heihubserscher noochkummt.
Ja, jetzt hogg isch do imme Vorgaade in Flomerschemm unn loss merrs schmägge. Schaad, dass soviel Mensche ehr Gäärde in Schdääwüüschde verwanneln. Do muss unserähner ganz schä weit hubse, bisser mool so e foinie Fudderschdell findt. Kaum Ähner denkt an uns - unn weil die Mensche uns Insekte als Nahrungsquell entdeggt hänn, geht´s uns sowieso an de Graage.
Naja, ´s kummt halt wie´s kummt, awwer vorerscht iss hier jedenfalls noch enn schääne Blatz ferr alles, wass Fliggel hott. Isch glaab als, isch muss moi Verwandschaft noochhoole. Unn dess sinn nit wennisch. Do sinn ah Grille debei - awwer unner dem Wort verschdehen die Mensche heit meischt wass Anneres!
Aller dann - vielleischt seh merr uns emool -
Eiern Hubsi"

Diskussion schließen

Hinweis: Der Autor wird vom System benachrichtigt

Karte einbetten

Abbrechen

Video einbetten

Es können nur einzelne Videos der jeweiligen Plattformen eingebunden werden, nicht jedoch Playlists, Streams oder Übersichtsseiten.

Abbrechen

Social-Media Link einfügen

Es können nur einzelne Beiträge der jeweiligen Plattformen eingebunden werden, nicht jedoch Übersichtsseiten.

Abbrechen