Strandbad Frankenthal
De Frankedahler Edelschdää iss widder uff !!!

15Bilder

3. Sebdember 2018 - jetzt kämmer widder drummrummdabbe ! 

Endlich iss die Schwimmsäsong im Frankedahler Schdrandbad vorbei.
Wass ferr e guudie Noochrischt ferr alle "Nit-Schwimme-Woller".
De Parkbedrieb hott widder agfange - die erschde vorwitzische Elwedritsche hänn sisch schunn widder im Tärrää brääd gemacht. Die Tschogger känn ehr Drännierhosse widder ausem Schrank hoole, die Wannerer ehr Schdegge aschbitze, die Midder ehr quietschende Kinnerscheeße eele - unn dann geht´s widder los.
Der Park im Schdrandbad iss äfach de schännschde Blatz in Frankedahl!!!
Egal ob die Sunn schoint odder ob´s räjent odder schneit - egal wass die Besucher ferr e Hautfarb hänn - do fiehlt sisch jeder wohl. E großes Lob an unser Schdadtverwaldung - do kann so manscher Kurpark nit mithalde.
Die herrlische große Bääm, der See, die Grasfläsche - do kammer soi inneres grienes Farbhäwwel mool widder so rischdisch voll mache - grad jetzt, nooch dem druggene därre Summer. Uff denne Bilder vunn heit kammer dess brima sehe.
Ob drummrummrenne odder bloß gemiedlisch rummschlendre - hiehogge - ausruhe - enn dambende Babbedeggelbecherkaffee genieße - dess kann jeder grad mache wie er will!
Ach ja, dess iss ganz äfach schää! Unn ferr umme isses ah noch!!!
Fehlt bloß noch enn Audomaad mit Riesling-Schorle - awwer merr kann jo schließlisch nit Alles hawwe.

Aller - jetzt raus außem Sessel unn e Runde um de Schdrandbadweiher gedreht !
Guudie Erholung winscht waru

Diskussion schließen

Hinweis: Der Autor wird vom System benachrichtigt

Karte einbetten

Abbrechen

Video einbetten

Es können nur einzelne Videos der jeweiligen Plattformen eingebunden werden, nicht jedoch Playlists, Streams oder Übersichtsseiten.

Abbrechen

Social-Media Link einfügen

Es können nur einzelne Beiträge der jeweiligen Plattformen eingebunden werden, nicht jedoch Übersichtsseiten.

Abbrechen