Bobenheim-Roxheim feiert Kerwe am 21.+22.9.
Radlerkerwe beim RV ALL HEIL, Viehweg2
- Foto: Uwe Lang
- hochgeladen von Uwe Lang
Weil mer jo do bei uns in de Palz sin, desdewesche jetzt in unsrer Sproch: in Bobrum und Roxem feier mer des kummende Wochenend unser Kerb.
Die Radfahrer vum RV All Heil sin ach mit debei. Do gibt's wie jedes Johr, lecker zu esse und trinke für recht klänes Geld.
Lebberknepp, Worschtsalat, Steak vum Grill, abber a wegetarisches mache die in de Kisch. Fer de Dorscht a Schorle ausm Dubbeglas, oder awwer a ä
lecker Biersche vum Fass. Ich glab do find jeder was.
Basst acht liebe Leit, in dem Johr macht de Mike Lemke am Samsdag bei uns Livemusik. Des dirfter net verbasse, der kan was, der macht Stimmung. Un am Sundach do hawwe mer de DJ Thomas aus Bolande fer die Musik bestellt. Der losts krache. Do fliegt die Kuh. Do misst ihr die Danzschuh eipacke.
Un an beide Dache, wenn Ihr so rischdisch in Stimmung seit , do hawe mer a lecker Cocktail zum schlürfen fer eich. Wollter des verbasse?
NÄ, DONN KUMMT BEI DE RADFAHRER VORBEI, MER FRÄHN UNS MORDSMÄßISCH.
Ein dreifach donnerndes
All Heil, All Heil, All Heil!.
Autor:Uwe Lang aus Bobenheim-Roxheim |
Sie möchten kommentieren?
Sie möchten zur Diskussion beitragen? Melden Sie sich an, um Kommentare zu verfassen.